Një përvojë unike eksplorimi. Aventurë, natyrë mbresëlënëse, trashëgimi e pasur kulturore, ndërthurur me “magjinë” e liqenit, janë këto elementët turistikë që po tërheqin gjithnjë dhe më shumë vizitorë në Prespë.
Sportet ujore, kombinuar me kamping dhe eksplorim të zonës, i bëjnë pushimet në Prespë një eksperiencë, përtej të zakonshmes.
Investimi për ndërtimin e plazhit ekologjik publik në Zaroshkë, fshatit që shtrihet në krah të Ishullit të Maligardit, e ka pasuruar ofertën turistike të Prespës.
Plazhi ranor, mundësia për të ngritur kampingje, por edhe kulinaria e veçantë dhe traditat lokale, kanë krijuar një ambient mikpritës për të gjithë ata që zgjedhin Prespën për pushime.
Rritja e numrit të vizitorëve vendas dhe sidomos të huaj, ka orientuar ekonominë lokale drejt turizmit familjar, çfarë ka shtuar strukturat akomoduese në Prespë, një nga destinacionet më interesante të juglindjes./abcnews.al
